Nyambung catur kapungkur...Nolednad
tos mulang ti rumah sakit.. emut keneh?
Alatan dikepuk ku jalmi
salembur.. margi tos milampah cawokah ka panganten anyar jang Arnasan sareng
nyi Rumsih.... saatos eta kajadian Nolednad pindah imah ganti lembur...ka dusun
nu leuwih nyingkur..nu ngarana lembur "legok hangseur".... eta lembur
jauhna kurang leuwih sapuluh pasir ti lemburna nu heubeul lembur situ tea.... mun
dijugjug leumpang.. kurang luewih ngetuk kundang baralak lima welas obor baralak....
Kasebatna Nolednad teh
nyingkahan kaera nu teu kaampeuh... wiwirang di kolong catang, nya gede nya
panjang (siga nu sahanya...?)
Ceunah.. sugan dilembur anyar
bisa muka hirup anyar nu leuwih ngabungbulang nyampeur mangsa nu bakal
kasorang..sapopoe manehna kasab kana ngiangkeun lahang pigula beureumeun ka
hiji dayeuh nu katelah dayeuh "babakan munu'u....
Lumayan pikeun Nolednad...mun
keur marema sok mucekil beubeunangan bisa pake nebus beas lima letereun plus
kere jaer satengah nyirueun... matak bungah nyi karwiti nu jati pamajikanana...
lodong lahang ditagogkeun pabeubeurang kasareupnakeun na beuheung kawung di
leuweung..terus diteangna isuk rebun-rebun mangsa ibun renung keneh na
dangdaunan...
Nayaga tabeuh..iklan heula
sakedap..mangga bilih bade aya nu komen..
Prung....kocapkeun..hiji
mangsa ki Nolednad elat naekeun lodong katompernakeun...
Wanci geus leuwih ti
sareupna.. bari gura-giru manehna ngasruk na rungkun cucukan.. Nolednad noyod
manggul lodong ka jero leuweung nu maju ka meredong poek..teu lila palebah
pasir "lentudd" manehna rada ngarandeg...teu pupuguh pundukna
muringkak katambah tiis mani comrek....
Nolednad ngagerendeng: dasar
bujur munding...aya naon ilaing dedemit ngaganggu kula..halik sing jararauh....
kula teu niat ganggu.. ngan ukur ngaliwat...hus-hus sing jauh.. terus manehna
bubura kakenca jeung ka katuhu.... sanggeus kitu Nolednad neruskeun deui
lengkahna....
Ana teu disangka..karek ge
sapuluh lengkah... janggelek teh aya nu ngajirim tilu deupa hareupeun Nolednad...
rupana pikagilaeun... buuk riwig.. sihung nyanggereng... mata bolotot burahay
beureum... irung nambru siga hawu.. bari jeung bulu irung cokrom raronghok
kalaluar sagede-gede puhu injuk... na unggal bulu irung korong garing pajejel
ting guruntul sagede-gede peureup.. katambah cileho hejo teu eureun-eureun
ulal-elol...
Ki Nolednad beuki soak.. palebah
nenjo biwirna nu jebew jebleh bari kandel kedeplikk.. ci kelay murubut nyakclakann
teu eureun-eureun tina juru sungutna.. manehna meh kapaehan.. nenjo huntuna nu
ranggeteng.. karehol teu puguh susun.. koneng pinuh ku (punten) kulat.. bari ngaheoskeun bau biuk nu taya papadana.... ku
bauna nu banget kacidaa... dugi ka sabangsaning lalay, tonggeret, reungit,
rambetuk, cika-cika, galempar ngajaloprak kapaehan... nangkarak ambarayah
handapeun suku eta mahluk..jeung di sabudeureun ki Nolednad..
Ki Nolednad bari calangap
ngadegdeg.. beuki soak.. ningal pinareup eta mangkeluk... buah harigu
(pinareup) buadagggna teu kira-kira.... estu pikagilaeunnn... rayudd katambihh
laerrr... dugi ka nyangsar nyapuan jajalaneun.... puhuna manjang dugi ka dampal
suku eta mahluk... tungtung buah hariguna duka dimana... da katenjo ku Nolednad
mah... masih manjang ngagebay kabeulah tukangeun eta mangkelukk.. malah
sakapeung sok katincakan ku sukuna nu lajag-lejeg teu bisa cicingg..
Teu tatapasini.. Nolednad
ngajorowok bari ngabecir... Keloong.... keloong... jurigg keloong... tuluuung..
tulung.. manehna lumpat sakalumpat lampet... tunggul dirarud catang di rumpak..
nepi ka calana komprangna ti kait kana awi ngora teu dirasa... awak mabur.. ari
calana tikudawet tinggaleun... atuh kolor copong awir-awiran kamana-mana... nepi
ka pakakas manehna nembongan ampul-ampulan...
Lumpat sataker kebek...
rarasaan mah geus jauh.. tapi orokaya.. ujug-ujug aya nu geunyal ngeurad
beuheungna... meulit sababaraha beulitan.... manehna kacekek.. lumpat jadi
ngagandet..... eta nu meulit karasana empuk tapi nyangked.... kurang leuwih
sagede beuteung embe.. manjang... barang direret katukang kumanehna sihoreng
puhuna teh aya dina pinareup eta mangkeluk... "ampunnn susu keloong... ampunnnn"....
Nolednad ngajorowok..
Noledna ngalenggerek... teu
inget di bumi alam... alam ngadadak ngagebleg poek....lesss sajongjongan teu
nyahoo di kaayaan..
Singget carita... Nolednad
ngulisik eling.... kuniang hudang... manehna rungah-ringeuh... barang direret
manehna aya dihiji tempat sigrong.... agreng mirupa karaton nu dijodang tihang
gararedee... sagede-gede beuteung gajah... eta tihang ditaretes ku inten nu
gugurilapan pinuh ku cahaya...
Ngan nu aneh.. manehna..nenjo
di sabudeureun manehanana aya 3 jelema anu ngajoprak teu eling... terus di
satukangeun manehna aya rohangan disarigsig beusi jiga panjara nu pajejel ku
jalma loba pisan aya ngaratusna... jalma-jalma teh teu sarupa.. aya nu hideung
jiga negro.. aya nu bodas rupa cina.. aya nu mancung jangkung rupa bangsa
hindustan... oge aya nu bulee rupa bangsa eropa...kabeh ngan ukur make
cawett.... terus anehna deui sakabehnas lalaki...
Teu aya wanoja
sapotong-potong acan..
Ret noledna nenjo ka tilu
jalma nu ngajoprak... singhoreng geus harudang... ditenjo deui.. eta tiluanana
jalma karasep pisan.. bari jeung jarangkung badag tegep... ret deui ka rohangan
nu siga panjara tea.. oge karasep jeung taregep kabeh.... manehna hemeng:
"anjrit dimana euy uing... eta jelema karasep kitu.. ngan uing wae euy nu
panggorengna... bari jeung nista pisan... batur mah mending marake cawet.. tegep
jiga.. tukang binaraga.. ari kuring make kolor rawing polet bolerang.. bari
jeung awak regung... rangkebong..."
Kuluprak... sora panto gede
gigireun manehna muka... gejlig aya nu asup... Nolednad soak bari nyorodcod... nyakitu
deui tilu lalaki sagigireun manehna...eta kelong nu tadi ngiwat manehna
asupp... tangtunganna. Teu beda jeung tadi.... kadenge mangkeluk kelong teh
ngomong (semu ngirung): "sia kabeh ku kula dibawa kadieu pikeun
nyenangkeun jeung mere katurunan ka ratu bendoro pupuhu kelong saalam
dunyaa..... montong mungpang mun hayang balik deui ka alam sia"...
Nyawabbb!!! (baca:Jawab) si
kelong nyentak... lalaki kahiji ti kenca ngajawab: 'yes sirr"... nu kadua
ngajawab: "na'am"... lalaki katilu ngajawab: "ora nehi".. panungtungan
Nolednad ngajawab: "yaktos kanjeng kelong" .... Nolednad ngagerentes:
"paingan karasep nu tungtung itu ti inggris atawa amerika.. nu tengah ti
arab.. nu tuntung dieu ti India.. jigana teh...
Kelong ngomong: "geus
300 taun ratu bendara kelong ngarangrangan ngarasula can aya nu bisa
nyenangkeun.. bari mere katurunan... Nolednad ngawanikeun nanya: "punten
kanjeng naha bet kedah manusa nu ngawin nyi ratu?".. kelong ngajawab:
"belegug maneh.. kelong mah awewe kabeh deuleu...nu bisa mere kasenangan
jeung katurunan ngan lalaki ti bangsa manusa... syaratna kudu kasep... tohaga...
jeung bisa nganteur nyi ratu kana puncak kasenangan sapatemon... ngarti siahh?"
Kelong ngomong deui:
"bisi hayang nyahoo.. salila 300 taun aing nyulikan lalaki manusa ti
unggal juru jagad... nepi ka ayeuna can aya nu cumpon... nyenangkeun ratu
bendara... kabeh garagal.. tuh nu dijero sarigsig beusi teh.. lalaki-lalaki nu
garagall salila 300 taun... manehna teu bisa baralik deui... salila can bisa
nyenangkeun ratu... unggal poe dikilir teu eureun-eureun tapi can aya anu lulus
nepi ka kiwari.... nasib ilaing ogel bakal kitu mun teu bisa nyenangkeun ngawin
nyi Ratu"...
Kelong ngomong deui:
"peuting kamari peuting pamustungan kasabaran nyi Ratu.. manehna nitah
kula ngiwatt opat jelema nu kasep jeung wewegg.. rek dipake tarekah
panungtungan pikeun nyenangkeun nyi Ratu... lamun salah sahiji bisa nyenangkeun
anjeuna...ratu bakal mere kawijaksanaan langka.. nyaeta mere amnesti massal ka
kabeh lalaki manusa nu geus diculik supaya bisa baralik kalemburna masing-masing..
lamun gagal.. sabalikna bakal ditelasan dipaehan kabehh moal
disesakeun"...
Nolednad masih panasaran:
"nyi kelong.. naha atuh kuring diiwat... pan kuring mah goreng... bari
jeung awak regung jaba kurang kaparab dahar nu alus.. timana rek cangker bisa
nyenangkeun nyi ratu?... kelong ngajawab: "matak sia mah pamaeh... kacingcalang
deuleu...gara-gara siaa.. kula dibendon ku nyi Ratu.. marukanteh ceunah kula
bilor teu bisa nenjo.. jalu panyakitan bet dibabawa... rumasa kula aya tilu
likur taunna teu hees ngorehan lalaki culikeun... ninggang di siaa.. kula teu
kuat ku tunduh.. bari jeung sareupna... salah nenjo sugan teh mirupa arjuna... koceplak
tehh... blek kurupuk penyon siah..".
Kelong ngomong deui: "Tapi
geus kapalang saur Nyi Ratu... bebeskeun wae ceunah rek dicobaan.. lumayan mun
gagal jang gahel-gaheleun.. nambah mirasa nyeupah.. jadi maneh ge diabuskeun
jadi percobaan najan rada kapaksa.."....
Nolednad nanya deui:
"nyi kelong.. sanyaho kuring kelong mah ngan aya dilembur ki sunda... naha
bet bisa ngalantrah ka inggris.. amerika.. india.. jeung sajabana?"... kelong
nempas: "dasar belet maneh... jurig-jurig deungeun sabangsaning lucifer,
vampire, frankeistein.. jeung sajabana ..eta teh kelong-kelong keneh... kelong
keur nyamar deuleu... eta teh bangsa kula-kula keneh.. lain sasaha ieuh deuleu...
meunggeus tong loba tatanya.. nyi ratu tos teu kiat hoyong dikawitaan.... bararis..
ngantay hiji-hiji siahh.."...
Opat lalaki ngantay bariss
payuneun kamar nyi Ratu Kelong... nu kahiji urang eropa tea, nu kadua urang
india, nu katilu urang arab.. nu panungtungan ki Nolednad.... lalaki kahiji
abus.. samemehna dibere ci anggur heuseuss... duka kumaha.. sok sanajan
nyanghareupan nyi ratu kelong nu pikagilaeun.. ujug-ujug pudugdug eta lalaki
teh nafsuna mahabu... haroshos jiga banteng rek teuteunggar... sakabeh
ngadengekun ti luar... sora enggon ting rarekett.... jeung sora lalaki nu
haroshoss tarik... tapi teu kadenge sora nyi ratu kelong saeutik-eutik acan....
Teu lila... sora lalaki jiga
seuhah mani tarikk.. jiga nu keur ngabekaskeun kangeunah... disusul.... sora
nyi ratu kelong nyeukseukan: "lalaki koplok... teu bisa nu kitu-kitu wae
ge.. mantog siah... hiuk gebro... sora nu najong... guprak.. panto kamar.... rungkad..
juralit gedebut sora awak tibeubeut hareupeun kamar nyi Ratu... eta lalaki urang
eropa ngajengjehe teu walakayaa.. bari buligir teu benang salambar-lambar acan...
manehna kapiuhan bari jeung awak rangsak..
Kabeh nu diluar kamer reuwas
kabina-bina...nyorodcod tuur... nyi ratu kadenge keneh murang-maring.... Nolednad
ngagerentes na jero hate: "gustiii... eta urang eropa.. sakitu pakakas
sagede parabot kuda... teu bisa mere senang ka nyi ratuuu.... haruh kumahaa
uraang.. ampun.. ampun.."
Lalaki kadua abus.. parabot
india.... prosedur sarua... tingrareket.. sakeudeung.... teu lila jelepung deui
aya nu hiber ti jero kamer nyi ratu... leuwihh parahh... kaluarna lain tina
panto... tapi tina suhunann.. gupraakk....gorobaassss.... kana dapura awi sisi
karaton... dibaroro ku gulang-gulang... kasampak geus nyangsaya.. nyangsang
dina pucuk tangkal picung... bari jeung ulutud..parabot aplek-aplekan... kadenge
nyi Ratu awong-awongan nurustunjuuunggg... ngan ngotoran... sepre sutra taretes
inten kulaaa.... lalaki ngaplek ngadon dibawa kadieu...
Nolednad beuki soak... ret ka
lalaki nu geus jadi korban bebendon nyi ratu.. kabeh rangsak teu puguh rupaa.. ditalapung
ku suku kelong teaa... gap kana parabotna.. nu ngan saukur sagede cau muli
anakna... nyenghel meh sagede indung suku budak tilu taun...."haruh komo
aing meureun ancur pisan"... gerentes na jero hate bari pias..
Lalaki nu katilu nu ti arab
tea.. malah teu bisa ngadalikeun diri... di titah abus kalahka rek mabur...
nojal narajang panto karaton... rek mangpret kaluar... bari ampun-ampunan... atuh
dibaroro ku gulang-gulang... bari digarebugan nepi ka ngalehleh... ku soak-soak
na... embung nyobaan asup ka kamer nyi Ratu... padahal terang nyalira... kumaha
parabot arab...
Tungtungna Nolednad... kudu
abuss... manehnaa ngahuleng sakedeng... teu lila manehna nyampeurkeun heula ka
kelong nu nyulikna, bari ngomong: "nyi kelong.. bisi kula gagal jeung nyi
ratu bendu nepi ka kula palastra paeh teu katulungan... kula aya pamenta
pamungkas samemeh abus ka kamer Nyi ratu".... kelong nempas: "menta
naon maneh?"... Nolednad: "kula menta ijin dicukur jeung mandi ku cai
daun pulus"....
Kelong ngahuleng rada
bingung.. mikiran maksud ki Nolednad... tapi teu lila ngomong: "pek
atuh..ngan tong lilaa siah"... Nolednad: "yaktos"... Nolednad
ngoreleng ka balong karaton... teu sawatara lila geus balik deui.. bari jeung
buuk jocrong dicukur pondok... jeung awakna oge bersih... terus dibere nginum
ci anggur heuseus tea.... sajongjongan... pudigdig nafsu lalakina mucunghul... nu
lalembek jadi jeceng hareuras... irungna sesegor... jiga banteng manggih
musuh... blus manehna abus ka kamar nyi ratu... gulang-gulang nu jaga ting
serengeh nenjo waruga jeung kalakuan si Nolednad... manehna ting gerendeng:
"parabot gajah ge teu walakaya... rek kumaha peta ieu cucunguk
rangkebong... geus begang teh jaba menseyaang...."...ah ieu mah pipaeheun
ditejeh nyi ratu"... kitu gerendengna teh..
Sajongjongan mah kawas
samemehna... ngan saukur sora haroshos lalaki bari jeung enggon ting rareket....
tapi teu lila... sora haroshos lalaki ngaleungit... diganti ku sora nyi ratu
kelong nu 'uhh..'ahh... lalaunan tapi siga nu raos... beuki lila beuki tarik
sora nyi ratu nu haroshos bari luh lah beuki panjang... sora enggon beuki tarik
oyag... sora haroshos lalaki teu aya sakecet-kecet acan... gulang-gulang nu
jaraga caruringhak satengah teu percaya...
Nyi ratuu... humandeuar beuki
tarik... sora enggon beuki bedas ngareketna... nyi ratu jiga nu teu bisa
ngadalikeun diri... ngajerit... tarik tapi semu ngalengis nikmat..." aduuh
Nolednad... teruss... deuii... terusss... deuiii.... panungtungan kaluar
sora... nolednhaaaadddddddddd.... disusull.. ku... boroboooooottttt... golombrangggg...
guprakkkkkk.... enggonn nyi ratuu morobot runtagg ancut burakrakaannn....
Kabehhh nu diluarr surak.... horsehhhh...
nyi ratu hasilll... nyi ratu hasilll... gaduh katurunan... gaduh katurunan ...hidup
karaton kelong.. hidup karaton kelong.... oge kabeh tawanan na sarigsig beusi
surak ayeuh-ayeuhan.. teu eureun-eureun sabab bungah kacidaa... maranehna rek
dibebaskeun.. geus aya lalaki nu bisa cumpon nyenangkeun jeung meturunan ka nyi
Ratu.... ngaran Nolednad diugung-ugung... disebut-sebut meh teu eureun... manehna
jadi pahlawan sanggeus nunggan salila 300 taun..
Singget caritaa... karaton
kelong pesta sataun teu eureun-eureun... ngabageakeun binih turunan nu dumuk
dina rahim nyi ratu kelong...kabeh tawanan dikaluarkeun tina
panjara..diberesihan jeung dibekelan samemeh dibebaskeun dibalikeun ka lemburna
masing-masing.. lalaki nu ti arab tea.. teu beakeun mikir.. ngagerentes.. kumaha
carana si Nolednad nu ngan sagede menel parabotna bet bisa hasil...
Padahal kabeh lalaki nu
leuwih cangker jeung badag teu aya nu manggapulya.... Singget caritaa.., waktu
keur gesat-gesut beberengkes rek mulang ka alam manusa... lalaki arab
nyampeurkeun ka ki Nolednad, manehna ngomong: "memeh kula balik pisah
jeung ente.. cik bejaan kula Nolednad... naon rahasiana sampe ente bisa
nalukeun nyi ratu kelong?"....
Nolednad ngan ukur seuri bari curukna
nunjuk kana tarang...si arab ngahuleng: "heueuh ngarti kula ge.. maksud
ente teh kudu make otak atawa kudu cerdik.... ngan kumaha prak-prakanana...cik
bejaan atuh...bieung iraha bisa panggih deui jeung ente.."... Nolednad
nyentak: "lain make otak deuleu.... tapi make hulu maneh... abuskeun hulu
maneh ... mun perlu jeung awak maneh sakaliann kana palawangan nyi ratu
kelong... terus gugulingan dijerona.. samemehna rupusan awak maneh ku ci daun
pulus nu gateulll.... mun teu kitu rek kumaha bisa hasill... si Nolednad terus
ngaleoss...ninggalkeun si arab nu calangap bari ngahuleng...cag...
