Sakumaha nu tos diguar ti payun...nolednad sareng nyi karwiti mulang ngahiji deui..anapon nyi iloh milih nyunkeun ditalak ti Nolednad...tos janten garis nasib gurat takdir....nolednad jeung nyi karwiti nyorang hirup kumbuh nu bisa disebut anyar ngababakan deui...hirup kalayan dina kaayaan barudakna anu geus cageur mulang normal...sok sanajan kabagja henteu buleud kabanda kulantaran nyi iloh nu milih misah...nolednad napakeun harepan nu caang ngabungbulang keur pikahareupeun..enggoning mulasara jeung ngagedekeun nu jadi anak2na..
Kacaritakeun..nyi iloh teu lila satutas ditalak jeung mulang ka kolotna...dipikaheroyy ku hiji lalaki sambada ngarana ki rukijad...ieu jelema sok sanajan perenges teu hade rupa tapi masagi kabisana elmu beladiri...manehna muasal ti hiji lembur nu kawilang jauh..nyaeta lembur tarang boncenang..bawahan kandang wesi meh daerah wates antara rancah jeung dayeuh luhur...manehna amprok jeung nyi iloh teu dihaja basa keur ngalalana neangam buronan upas kumpeni nu mabur ti dayeuh cilacap...memang ki rukijadd katelah jawara nu sakapeung neangan kipayah tina usaha jadi tukang pukul atawa moro buronan nu jarahat....
Sakumaha tos dipedar ti payun...satutas dipirak ku nolednad..aya lalaki nu ngadeukeutan nyi iloh..nyatana rukijad....Mimitina nyi iloh teu pati mirosea basa ki rukijad seurieus ngadeukeutan..lianti lantaran tangtungan kurang pikaresepeun, oge manehna geus kurang kapercayaan ka lalaki..sok komo apan manehna geus lain parawan deui bari boga anak bawaan ti nolednad..apan sok sanajan teu cacap..harita kusi papuket malam pertama..anu terus jetu matih ngabuah budak..pikirna: "lahh lalaki mah euweuh nu teu toloheorr..paling2 ge ka kuring teh ngan mihareup awak kuring wungkul jeung cowet hipu nu ngan sabuntel..moal jauhh tujuan na ngan ukur neangan kasenangan pakakas mintul alias mutu geunyall.."...intina mahh...nyi ilohh apriori jeung tiis2 wae ka Ki Rukijad teh...
Tapi lila kulilaa..ku leukeunna rukijad..saeutik2 hate nyi Iloh le-eh oge...lianti ku sok leukeun mahugi..katenjona bageur jeung "perhatian" pisan..mun mahugi sok ku barang anu lucu jeung regaan..sarupaning sinjang kebat, geulang, suweng,kalung jsb..malah kusi hiji waktu mere sanggul nu alus pisan..can pernah iloh ningali buuk sanggul nu hideung meles jeung rapih model kitu..sihoreng eta buuk sanggul teh dijieuna tina bulu kelek keloong nu kacida hese jeung langkana..ceunahmah beunang ngarabut hese beleke basa rukijad jadi pemburu bayaran newak kelong nu ngarawu budak leutik di bawahan ci bucak jabrigg..manehna kheuseus mesen sanggul dijieun tina bahan eta ka tukangna keur hadiah ka nu geulis nyi ilohh...tungtungna hate jeung tresna nyi ilohh ka-eurad ku duriat ngagedur kai rukijadd...nyi iloh kabandang nu antukna beurang peuting hate jeung pikiranna lengket masket ka rukijad..rukijad teu weleh diarep-arep aya sagihireunna unggal waktu..nyi iloh bener2 tikudawet bogohh ka rukijadd..sok komo aya tambahna..rukijad katingali nyaah ka nu jadi anakna ti ki nolednad..nyaeta jang surandil..budak teh sok dioconan jeung diayonan..nepi ka budak ge apet..malah sok nyebutna ge abah ka ki rukijadd teh...
Nya..akhirna duriat tinepung jeung takdirna...rukijad ngadahup jeung nyi iloh dina pesta rongkahh nu ngaweuhhh nyambuang iberna ampir sanagaraa....rukijadd jawara nomer wiji jatukrami jeung nyi ilohh rangda geuliss kawanti nu rancunit, jeung tangtu seuseut kenehh...kariaan teu ngan ukur diramekun ku pintonan keseniann sarupaning tayub, sintren jeung kendang penca..tapi dipirig oge ku adu bagong anu kawilang panggedena mangsa harita...anemer bagong jeung anjing sa nagara pada mawa begu jeung gogog kokojona sewang2an pikeun dipadungdungkeun dina tarung sato anu rame..ngarebutkeun hadiahh duit salaksa hulden..pleus bonus Bedug indung nu dijieun tina kulit keloong...
Hemeng si raja hemeng...kaheran jeung huleng nu moal imeut ditulis ku mangsi sa-sagara...jauh tina implengan jeung harepan nyi iloh katut anakna jang surandill..oge anggang kacida tina anggapan masarakatt nu nyakseni daria jeung rongkahna hajat rukijad-iloh...rukijad saenyana sihoreng simana horeng beda kacida ti rukijadd nu nyambuang na pikiran nyi iloh jeung umum..ceuk basa malayu mah jauh panggang daripada api..
Sabulan sanggeus ngawin nyi iloh, rukijadd mulai tembong talajak aslina--manehna sihoreng hampang leungeun jeung kejem tegaan--rupana teu jauh tina pasipatan dunya kahirupan manehanana nu pinuh ku laku heuras jeung panandasa--teu kaop aya kasalahan atawa katugenah sok terus merepet kana cacabok jeung meupeuskeuyang ngabantinkeun barang--atuh meh unggal minggu pasosore sok mindeng kareungeu ku tatangga brug-breg balagbag ditenjrag, sora brong-brang parabot dapur dipangpengpengkeun, jeung sora nyi iloh atawa jang surandil ngagoak nu disusul ku ngabangingik--kolot jeung duduluran nyi iloh teu bisa majar kumaha, da saurang ge euweuh nu wani nguntupan ki rukijadd jawara kawak tukang moro andar-andar sakti nu can pernah kasor nepi ka kiwari--petetan kapalang geus jadi tangkal, iwung kiwari geus jadi awii, alias kejo geus jadi bubur, dalah dikumaha nyi iloh teu bisa mundurkeun waktu malikeun deui nasib--"duh gusti meni asa kabina-bina teuing si rukijadd teh talajak nyangsarakeunana, mun bisa malikeun deui nasib ka baheula, teu sudi najan sacongo buuk aing dikawin kumanehna..deudeuh teuing surandill anak ema..anjeun nu masih bau cikur sok jadi kabarerang ku amarah manehnaa...hampura ema kasep geus salah mawa lengkah.." kitu ceuk nyi iloh bari ngurubut ci mata bakat ku nalangsa..dina mangsa tengah peuting nu simpe..bari neuteup anteb ka beunget anak wiji2na surandill nu karek bisa sare sanggeus dicabokan ku bapa terena nu telenges..teu pira pedah ngaragragkeun piring seng teu dihaja..ngaga reuwahkeun kai rukijadd nu karek ngalenyapp sare..
Masalah ieu..ku kerepna kajadian nu meh ka pola jadi kabiasan..tungtungna nepi ka ceuli nolednad..asup taun katilu nyi iloh bumen2 jeung rukijadd, nolednad beuki apal jero kalakuan barangasan rukijad--manehnA sok ngahaja rerencepan tunyu-tanya ka warga lamun kabeneran keur ngiangkeun parabot dapur ka lembur nyi iloh, atawa nanya beja ka tukang ngiang2 keun barang ti lemburna nu kabeneran nuju atawa ngaliwat ka lemburna nyi iloh--nujadi matak karerab hate tugenah rasa, utamana kalakuan kasar rukijadd ka nu jadi kokocoran getih manehna, nyaeta jang surandill--manehna sokk terus ngaheabb teu narima lamun ngadenge jang surandill di siksa ku ki rukijadd--kadang sokk timbul niat nekadd rek nyanghareupan ku cara lalaki ka ki rukijadd, naon wae risiko nu bakal kajadiaan--ngan sok tara kalakonan wae, sabab nyi karwiti sok merod ngahalangann, hariwangg nolednad cilaka gede teu bisa mulang deui alatan ditandasa ku ki rukijadd....
Toss ninggang mangsana nu utama..nolednad kudu ngabekaskeun ikhitiar jeung kabisana ngabela nu jadi anakna...kukajadian luar biasa nu tumiba ka surandill--hiji mangsa sakumaha ilahar, jang surandil narima panggitik ti rukijadd ku perkara teu sabaraha--ukur lantaran rada talangke ngumahkeun hayam pasosore, manehna dicarekan lak-lak dasar ku rukijad bari teu kaliwat di pangpeng ku rantang ase cabe nepi keuna kana tarangna bari mawur cabena kana hulu jeung beungeutna---atuh budak teh lianti ngagerung nyeri tarang nepi ka nongnong oge peupeureundeuyann nahan peurih panonn karupus ku panasna cabe-- manehna ceurik lumpat ka indungna nyi iloh bari terus nyuuh--nyi iloh ngan bisa ngupahan bari milu rambisak ceurik, nalangsa ningali kanyeri anakna.
Sanajan budak, surandil geus kaasup hideng, manehna oge ngawaris sifat keuteur, teuneung jeung oge jail ti bapana nolednad---manehna peuting eta mah ngunek2 kacida, teu tarima ku lampah kai rukijadd---manehna gilig hayang ngawales kana kalakuan ki rukijad peuting eta--manehna muter utek kumaha carana ngalaksanakeunana. Nu jelas lain ku gelut nyekel sabuk milang tatu, sabab tong boro pangawak budak, apan pangawak jebrogg ge euweuh nu sanggup nguntupan kadugalan ki rukijad...
Wanci sarereh budak..kalayan teu mere semu ngarasa salah..rukijadd nyalukan surandill: "surandil kadieu siaa..bantuan ngaing"...sorana semu ngagorowok. Surandil ngorenjag hudang...reuwas terus nyampeurkeun ka tepas...bari jeung masih teu puguh rasa ngararasakeun nyanyautan nongnong na tarang...surandil: "a..aa..yaa..naonn abahh"..bari rada ngeleper...rukijad: "kadieu siah..ieu pangnyabutkeun bulu irung aing nu geus bodas huisan...montong dicabut nu masih hideung mah..bisi digampleng ku aing"...rukijad mere parentah nyenghor..bari katingal ku surandill, si ontohod jiga rada lelenyapan tur calangap heuayy, rupana teu kuat ku tunduhh...surandil: "mangga abah"...bari ngagerentes, "kolot koplokk, geus nyangsara aing terus nitah nyabutan bulu irung..na lain cabut wae ku wewelek sia"...ukur na jero hatee..
Surandil andeprok gigireun rukijadd bari terus nitenan irung rukijad nu nambru bari jeung pajejel ku bulu irung nu cokrom..sabot nyabutan bulu irung huis ki rukijadd..kareret kumanehna dihandapeun balagbag carang tempat manehna andiprek, beuheung hayam nu tadi kumanehna diumahkeun ngajarulaeu bari mencrong ka manehna, siga nung mangarunyakeun ka surandil nu teu eureun dikakaya ku bapa terena...sajongjongan surandil ngahuleng..tapi terus manehna rada nyerengeh males neuteup ka hayam ingon2na nu malencrong tina kolong balagbag...manehna neruskeun hanca nyabutan bulu irung rukijad..anu jinisna mah geus tibra sare bari kerek nyegrekk..matak katorekann..
Isukna surandil hudang rikat..sakumaha biasa manehna rek sholat subuh di tajug sabeulah bari tuluy ngagebruy pecalan boledd nu keur meumeujeuhna sirungann..di kebon teu jauh ti imahna...kadenge ti pawon rukijad gundem jeung emana nyi iloh: "nyi cik atuh beresihan dapur teh jeung ulah sok molongo panto dapur teh..ieu bau-bau teuing tai kotok teh...ulah diantep hayam ngadon ngarising didieu...nyi iloh: ngan aya 2-3 kecrot paling ge Kang bari jeung geus garing..biasana ge kieu..bari jeung teu kaambeu-ambeu acan ku kuring mah"...bari terus nyi iloh nyeumpalan tai kotok nu aya di juru pawon...rukijad: "tapi meni banget2 teuing atuh baunaa..ampunn..sigana hayam geus nyatu waduk jelema sugann..? Meni mabek kieu.."...nyi iloh: "boa pedah irung akang tadi geus dicabutan buluna ku surandil..jadi ngaremplong nu balukarna aambeuan akang jadi leuwih seukeut..." rukijad bari semu ngahuleng: "heueuh sugan..?"..
Rukijadd terus ngaleos muru ka kebon rek ngaroris cai...bisi aya kapendet..nyi iloh terus kaprak-keprek di pawon..nyiapkeun idangan jang mumuluk rukijad jeung anakna mulang ti kebon...heuleut satengah jam..teu pupuguh jeger panton pawon aya ngadupak satakerna...nepi ka coplok engselna,pantona mabeng kajero meh nele kana awak nyi iloh nu keur niupan seuneu make songsong awi..."koplokk tehh naha tai hayaam teh bet diantep ambarayah di imah..ieu bauna banget pisann nepi kaambeu ka kebon...iloh ari sia teu ngadenge omongan aingg..? Ari sia teh torekk?" Kadenge sora rukijad ngagantawang..
Nyi iloh nempas: "Kang sing eling..euweuh tai kotok di pawon mah..titadi ge geus dibersihann..aya oge dikandangna handapeun balagbag imah tuhh di hareup..tapi da biasana ge euweuh masalah bauna tara tepi kadieu..pan dipipinding kerep..bari dihandapna pan balong....bisi tadi dikebon akang kakotoran tai kotok na baju atawa na awak...ulah waka ngahareupkeun nafsu..anggur mah mandi terus ganti baju..." ceuk nyi iloh bari ngeleper siga nu sawan...diomong kitu rukijad ngahuleng sakeudeung terus..ngaleos ka beh sumur bari ngajewang kampret nu ngagantung sisi panto pawon nu geus coplok...
Sabot hog-hag kitu surandill geus datang ka imah..ngan teu wani asup..manehna ngahephep dipipir..biraraeun ngadangu bapa terena gagantawangan ka indungna...gerentes surandil: "hakan ku sia tai kotok teh aki2 telenges"....teu lila ki rukijad ngagidig asup deui ka pawon reres mandi jeung geus ganti baju...ngan ngagantawangna kalah ka beuki rosa: "koplokkk si surandilll kamana eta anak sia nu nurustunjung teh ilohh..? Kuaing kudu diwarah beak karep...cucungah kacida ka aing...dimana sia surandill..!!!!!???
Nyi iloh:"aya naon deui atuh Kang...si surandil mah ti tadi pan keur ngagebruyy ka kebon.." jeung naon kasalahanna...da masalah bau tai kotok mah pan taya hubunganna jeung manehna...nyi iloh ngomong bari ngeleper soakk...sabab ki rukijad ngagantawang teh bari muril2 perah bedog na cangkengna nu teu pernah lesot dibabawa....rukijad: "justru si ontohod surandill nu boga alpukahh deuleu...paingan kamana-mana bau tai kotok mani biuk kacida kaambeu bae teu leungit2...ngaing geus mandi jeung ganti baju ge teu ngaruhh...da tai kotok na aya jero irung ainggg ilohh....anak sia burungg...irung aing diasupann taii kotok tadi peutinggg...tai kotok nyayang na babangus aing..tahhhh deleh ku sia kalah geus gariing...!!!!!.rukijad nembrakeun dampal leungeun nembongkeun dua guruntul tai kotok nu geus rada mawur...bari terus dibabetkeun kana beungeut nyi iloh..
Rupana..tadi peuting basa keur nyabutan bulu irung huis ki rukijad...surandill meunang bongbolongan teu dihaja basa menehna adu teuteup jeung hayam dikolong balagbag...manehna nyoel tai hayam baseuh ku congo nyere tiluhur..turus ditotolkeun saeutik2 kana jero liang irung rukijad kenca katuhu..sanggeus rada loba kumanehna diantep tuus dijero...atuh geus tangtu bau tai kotokk nu biuk kacida teh nempel sing rek kamana wae rukijadd inditt..masing mandi diruru ku cangkang kadu 7 poe 7 peuting ge moal leungit eta bau tai kotok tehh...
Da..apan nyayang na jero babangusna pisann
Cag..
Tos dipedar tipayun, rukijad murka rohaka sabab tos dijailan ku surandill anak nyi iloh, diasupan tikotok ledok kana jero irungna nu nambru siga balukang nangkub..manehnaa cocorowokan neangan surandil bari sagala ditajong--nyi iloh bati ngayekyek siga nu sawan ningali polah rukijadd--surandill nu aya dipipir imah ngahephep, tambah sasah, lampahna geus kabongkar ku rukijad--manehna ngajengkat rek indit ngajauhan--ngan orokaya, sok sanajan teu katenjo ti jero imah, rukijad nu mucung pangaweruhna bisa ngarasakeun aya nu usik dipipir, "saha eta nu dipipirr...montong indit siahh..!!!!
Hiuukk..jelepung..gebross...siwurr ngapung nepus bilik imah nepi tobros..ampir nyamber tarang surandill...untung manehna rikat ngagiwarr, siwur ngantem lespang kandang embe, nepi ka siwur ajur,lespang ge semplak...teu talangke deui, berebet surandill lumpat mangprett sataker kebekk..nyingkahan rukijad anu ambek gedee...
Gajlenng..gebruu..boroboott...rukijad luncat ngabelesat nobros bilik pipir imah nepi dobol..belesurr manehnaa lumpat ngudag surandill nu geus ngabecir ka beulah kalerr mapay galengan muru ka lebah pasir dengkak anu hieum jeung rembet---rukijad nepak bujur bari mapatkeun jampe ajian kidang kancanaa--ajian sangkan bisa lumpat ngabelesur jiga kabawa angin, manehna hayang geura sagep-gepeun nekuk surandill nu lumpat notog2 keun maneh dihareupeunna---bari mangpret surandil rurat reret katukang--kumanehna katenjo rukijadd ngudag ngabelesur siga jamparing, beuki lila beuki ngadeukeutan manehnaa---dinaa kecepatann penuhh,mun make sapidometer mah sigana kana 200 km/jam rukijadd nyeak rek nyamber surandill nu lumpat geus sataker kebek..nepi ka sukuna muih siga kolecerrr...mirip lumpat dakocann....
Kira-kira 5 deupa deui leungeun rukijadd rek nekuk beuheung surandill---surandil nepak bujur bari mapatkeun jampe ajian cawet tikudawet, ajian pikeun ngerem lumpat kalayan pakem kacida, waris ti akina ki jalumpang tea, teu sakara-kara..ngan cekiiiiiiiiiiiiittttttt waeh manehna eureun ngadadak pakemm kacidaaa...bari cong waeh manehna dongko meh atel kana taneuhh----rukijaddd reuwasss boroanna ujug2 ngerem ngadadak, manehna keur ngabelesat dina kecepatan penuhh..teu kaburu ngeremm---belesurr awakna nyerepet ngeplos ngaliwatan awak surandill nu geus eureun lumpat bari ngadepong, lengena kalah ka nekuk anginn, bari awakna labasss teu bisa dikadalikeunn...gedebuttt...habekkkk...3 tangkalll cau rabuhh kaleled kuawakna...guprakk..jebroodd..2 embe...hiji sapi mangpeng katabrakk ku awakna nu ngabelesur...gorobassss...gedebutt....awak rukijaddd nyamber pager humaa sisi jungkrangg...terus ngagedebutt nyangsaya dina hunyur awii anu rembett...geus kitu mah karek manehna bisa eureun lumpat bari nyangsayaa...
Surandilll nguniang hudang..kareret kumanehnaa..rukijadd labas terus ngagedebut na hunyur awii...teu talangke buru2 manehna malik ka katuhu, bari nepak bujur deui mapatkeun ajian torolong bagong, pamere ti nolednad nu jadi bapana, ngan..belesurrrr waeh awakna nyeak lumpat tarik kacidaa ninggalkeun rukijadd nu masih nyangsaya di sisi jungkrang---surandill geus teu luak-lieuk deui lumpat sakalumpat lampet hayang inditt kabur sajauh-jauhna ti rukijadd---belesurrr... gorobasss... seakkkk....gorobasss...surandill nyerepet jiga angkot ciwastra-cibaduyut nu keur diudag pulisi...kutarik-tarikna lumpat 3 pasir diliwatan ku manehna ngan 10 menitt--surandill beuki ngajauhan rukijadd...
Sanggeus lumpat kira2 sa jam teu eureun2...surandill ngarasa yakin geus jauh ti rukijad nu telenges-- manehna karek eureun lumpat..terus reureuh bari ngarasakeun kacape anu poharaa--sanggeus kumpul pangacian karek manehna sadar kana kaayaan waruga sorangan--ditenjo teh estu rangsakk kacida, baju jeung calana soeh rubat-rabet, awak jeung suku pareurihh kacida..lantaran loba tatu urut kageurihh ku eurihh jeung rangrang seukeut..."rukijadd nurustunjung, ku lampah siaa aing jadi ripuh kawas kieuu.." kitu gerentes surandill..
Saatos mabur satekah polah..surandil hasil leupas tina kungkungan ki rukijad nu kejemm---sanggeus ngarasa aman manehna reureuh mupul deui tanaga bari ngararasakeun rangsakna awak---bakat ku capee..teu karasa manehna less waehh kasareann dina handapeun tangkal kihujan bari ngajengjehe nyangsaya dina sela2 puhu akar kihujan nu buleud tangkalna meh sagede beuteung munding...sare meni kutibraa..kereknaa surandill patembalan patarik-tarik jeung raeng sora tonggeret wanci poe kasareupnakeun...
Surandill ngulisikk, bari rada samar2 ngadenge kumanehna aya sora suku lajag-lejeg ngorosak nincakan kararas siga nu leumpang bulak-balik deukeut manehna bari dipirig ku sora nu ngagerendeng ngobrol..
barang surandil beunta manehna nguniang hudang reuwass, hareupeun manehna geus ngabejega dua dedeg jangkung badag, beungeutna goreng bari rawag riwig..eta dua jelema mencrong ka surandill bari biwirna renyad-renyudd siga nu boga kasakit saraf. Dua jelema aheng eta teu ngomong sakemek-sekemek acan. Ukur mencrong surandil bari terus renyad-renyudd--bari pupuringisan surandil ngawanikeun nanya: "saha anjeun?" bari mencrong ka dedeg nu biwirna jebleh rada ngambay jeung sungutna semu ngangah--manehna ngajawab: "ngaran sayah aban baham carawak".....surandil ngareret ka nu hiji deui, nu ieu mah biwirna nyunghid manyun kacida, karek ge rek nanya ngaran, eta nu hiji deui ngajawab bari nunjuk kana dada sorangan: "utun cungur purunyuss"...pok na nyebutkeun ngaran..
"Kunaon silaing duaan ngabejega ngariung kula...kula teu wawuh jeung teu boga masalah jeung aranjeun"...omong surandil bari cingeus waspada bisi dua mangkeluk deleka----nu ngarana aban ngomong: "sayah ngahaja ngadatangan anda sabab raja kalayaksa nyabda aya jalma nyangsaya handap tangkal alatan nyanggap kala jahat jalan bapana yang haramjadah.." nu ngaranana utun, nempas: "uhun..ku tutuduh puhun gunung punjung..subuh-subuh kudu turun tuturubun nyurungkuy rungkun kudu nulung nu butuh.."
Surandill ngahuleng..."paingan tangtungan pikagilaeun kitu, rupana ieu demit sekeseler kalayaksa.." nuhiji jebaw carawakk dan ngomongnaa ngan calangapp teras..nuhiji nyunghid manyunn..da ngomongnaa ngabiwir mancung terus...na rek nanahaon bet ngahinaskeun manggihan kula..majar rek nulung.." gerentes surandil..
Surandil nanya: "katampa ku kula pangbela anjeun..cik atuh kumaha carana ilaing nulungan kula ti bapa tere kuring nu telenges?" Kalayaksa aban: "Bapa haramjadah anda ngabanda pangawasa badag taya papadana..can aya lawan bakal mapakan...bahaya bakal sangsara kasadayana...ngan raja sayah yang bawa cara maragat lampahna.." surandil curinghak: "tah-tah kumaha atuh carana kang kalayaksa....heueuh sakti pisan bapa tere kula teh..mun ilaing bisa mere bongbolongan pikeun meruhkeuna..kula jeung ema kula bakal nganuhunkeun pisann.."
Kalayaksa utun: "uhun..buru-buru mupu dukuh gunung tuluy..tutup ku dudukuy muru buruk..ditempas deui ku kalayaksa aban: "nah..bawa ka panday..asah kana pakarang jang nyacag..pas makalangan..plas..plas...kana taarna..jangan cangcaya bapa haramjadah anda akan kalah tanpa daya.." surandil nanya: "bener ieu teh? Guning teu susah saratna..?" Aban: "ya jangan cangcaya"..utun: "uhun.."
Sangan jangan calawak...singget carita...eta dua kalayaksa mulang deui ka nagarana...surandill,buru-buru indit ngalaksanakeun eta bongbolongan kalayan teu diengkekeun deui...najan peuting beuki jempling jeung ngolotan..manehna miang ka tungtung gunung punjung..rek neangan dukuh gunung nu dituduhkeun ku kalayaksa keur wasilah nalukeun rukijadd, nu pohara kasaktiana..
Memeh tengah peuting surandill geus meunang rungkun dukuh nu buahna leubeut meuhpeuy..atuh bungah kacida manehna...terus terekel waeh manehna naek, buah dukuh ting burusut ragragan dipupu dioreg-oreg ku manehn...pas wanci tumorek, surandil reres ngawadahan dukuh gunung, meunang dua karungeun--sabenerna jang syarat ngarupus pakarang mah teu kudu loba, dua ranggeum leungeun ge cukup. Tapi ceuk pikir surandil sakalian wae ngala jang dahareun jeung bawaeun, da dukuh gunung amis jeung ngeunah pisan apan..
Surandil turun gunung mawa dukuh pisarateun. Manehna geus mutuskeun pamolah, rek indit ka lembur bapa pituinna, nyaeta nolednad di dukuh legok hangseur. Manehna rek tatahar kakuatan jeung mancegkeun syarat nalukeun bapa terena di lembur nolednad..manehna oge boga pikiran, mupul daya di dinya bakal leuwih tohaga, sabab bakal kabantuan ku nolednad jeung bah jalumpang anu kawentar oge salaku jawara..
Datang ka lembur legok hangseur, teu sirikna surandill dirawu dipangku ku nu jadi bapana nolednad. Nolednad anu salila ieu teu weleh melang, ngarasa leuwih tenang sabab surandil ayeuna aya sagigireunna. Manehna ngarasa leuwih kawasa jang ngajagana bisi sawaktu-waktu aya maung ngamuk gajah metea nu bakal ngabahayakeun anakna, utamana nu datangna ti kai rukijad. Nya kitu deui bah jalumpang nu jadi akina, oge milu bungah..jeung ngarasa leuwih percaya diri lamun sawaktu-waktu rukijadd nyieun pucuk ti girang..nyiar2 piributeun..
Kocapkeun, dilembur nyi iloh, tisaprak gagal ngudag jeung newak surandill, rukijadd teu eureun2 neuteuli jeung ngabarerang---harga dirina salaku jawara tanpa kasor asa ditincakan, lantaran teu hasil newak budak satepak---menehna gawena amuk2an sapopoena. Anu jadi sasarana nya nyi iloh jeung barang pangeusi imah. Ampir unggal poe kadengena brong brang jeung aya nu ngabangingik di imah nyi iloh..rukijad ngan mungsrang-mangsring ngabekaskeun amarah nu teu tuus-tuus---tungtuna rukijad ngajam manehna bakal ngudag jeung newak surandill nepi kapanggih--kulantaran sugih pangarti kadugalan, rukijad bisa ngimpleng yen surandil teh ayeuna aya jeung Bapa pituinna nyatana nolednad. Manehna geus mutuskeun rek meresan surandil jeung bapana sakalian di lembur legok hangseur. "Kuaing dicangkalak sakalian jeung aki katut bapana"..bila perlu salembur legok hangseur kuaing bakal ditumpurkeun.." kitu gerentes rukijadd kalayan percaya diri. Nya por rebo kaliwon rukijaf ngagejlig indit rek ngajorag lembur legok hangseur, bari rek nyangkalak surandil anak terena. Manehna indit kalayan samakta pakarang..bener2 siap adu elmu nyekel sabuk milang tatu..
Euhh waktosna seep aceuk...dugi kadieu heula..ieu carita nolednad balitungan sakedap bade jucung..tambih seru tambih rame...insyaAllah enjing urang tamatkeun...aceuk ita, nyi dewi karwiti, nyi nia iloh sareng sugri sadayana....
Dongeng dugi ka nalika rukijadd miang ti lembur pasir bulistir muru ka lemburna nolednad, nyaeta lembur legok hangseur. Nujadi maksud taya lian rek nyangkalak jeung ngawarah jang surandill, nu dianggap geus cucungah kaleuleuwihi ka rukijad. Ku rohakana amarah rukijad, manehna moal ragu rek nelasan sing saha wae nu rek ngahalangan pamaksudanana.Rukijad estu percaya diri leber wawanen bakal bisa ngungkulan saha wae nu wani patelak jeung manehna. Malah mun kudu gelut dikereyuk salelembur ge rukijad geus siap jeung nguntup kacida...
Sanggeus leumpang dicampur lumpat mapat aji kidang kancana, ki rukijad nepi ka tungtung lembur legok hangseur nu mangrupa pasir, katelah pasir gadabah. Tidinya katenjo kumanehna rentulna suhunan imah jeung jajalanan lembur anu ngembat kaunggal madhab. Oge katenjo jalma nu lalar liwat keur muru urusana masing2. "urang legok hangseur geura kaluarkeun jawara dugal maraneh. Hareupan kaula nu bakal nubruk ajur sing saha nu kumawani ngahalangan kaula mepeg si surandil".....Kitu ceuk gerentes Ki Rukijad..manehna semu nonggeng saeutikk, teruss kunyam-kunyem bari peureum, kelepak2 nepak bujur 3 kali, "seduttttt" teh mejus meni tarik pisan..teu lila ujug2 belesur rukijad luncat ngoleang jiga nu ngapung...cleng-cleng manehna acleng-anclengan dina pucuk tatangkalan, luluncatan hampang pisan siga simeut, tina tangkal ka tangkal muru ka teoh pasir ngadeukeutan lembur nolednad. Rupana rukijad ngaluarkeun elmu aheng nu jarang dipiboga, nyaeta elmu juliweng-juliweng ajret, elmu meunang tatapa dibere ku siluman bajing nu nyiruruk di sedong bujur camukmuk..
Heuleut sanapaseun munding edan, rukijad geus nepi di buruan imah nolednad. Manehna rada hareugeueun, nenjo didinya geus rempeg dedet ku jelema. Panghareupna katenjo aya dua lalaki jebrog keur ngabejega bari medengkreng, siga nu ngahaja rek mapag pasea jeung manehna. Rek teu kitu kumaha, duanana make pangsi hideung meles, diiket barangbang semplak bari nyoren bedog panjang dina cangkengna. Sanggeus ditelek-telek singhoreng, dua lalaki eta teh bah jalumpang jeung ki nolednad..rupana dua jelema eta ge lain jore-jore. Ku jerona elmu kadugalan bah jalumpang jeung nolednad, maranehna geus bisa ngambeu tianggalna kadatangan ruKijad nu rek ngajorag lembur legok hangseur..
"Hehehehe...rupana ilaing geus nyiapkeun pasamoan jang mapag kaula euy..? jalumpang kunaon salelembur meni dikeprak tepi ka bukur2na...? silaing teu wani bitotama hiji lawan hiji jeung aing? ceunah ilaing tehh jagoo ditatar huluwotan palangkakan karadak..? naha bet borangan kitu euy?"...rukijad kukubuk bari semu ngoa nganggap remeh...kitu nateh bari jeung sedat-sedut hitut murubut teu eureun2...rupana pangaruh elmu juliweng2 ajret nu karek dipapatkeun ku manehna masih aya keneh...mun dina elmu pasawat mah..mesin turbona bebelutukan keneh sok sanajan jejendil on/off na geus dipaehan..
Sok ke heuseus dilatih...mung saratna teu kenging nganggo raksukann....kanggo istri....kanggo pameget mah kedah kersa ditalapung teu liren2...
Bah jalumpang..kekerot bakat kuambek..."montoong loba bacot siaa..!!! Bah jalumpang nyorowok bari jelepung luncat meberkeun suku katuhuna..suku kenca nilep siga posisi bruslii gingkanga...dampal suku nu katuhu..teu pupugug ngajerebebeng ngagedean sagede tampir..bali ngabelesur muru beungeut rukijad....rupana bah jalumpang langsung ngabekaskeun salah sahiji ajian kokojona..nyaeta aji tejeh kuda begerr nu geus kakoncara di dunya pasilatan...eta tejehan boro2 jelemaa...badak reuneuh ge bisa kaluron mun keuna ku eta tejehan...ck.ck.ck.
Kalayan sakilat kacidA..estu hese dituturkeun ku tetenjoan...teuing make gerakan naon, ki rukijad ngejat bari semu gigibrig saeutik...ujug2 juralitttt gedebuttt....bah jalumpang ti bubeut kana lemahh...bari posisi ngajapapang siga budak labuh ngadapang ragrag tina tangkal. "Hanyuuuuuuuuuhhhhh....nghhheekkkk..." kadenge sora bah jalumpang humareguung...
"Hahahhaha...naon tateh jalumpang? jurus budak bau cikur bet dibikeun ka uing...naon tateh jurus kudu ngisang..? hahahaha.." ki rukijad babarakatakan bari ngoa kacida...nolednad nu titadi nalingakeun bari jeung waspada...luncat tarik bari ngajorowokkk...."tandeannn panggitik kulaa rukijaddd...." lengen meber kahareup..suku meber katukang...meh mirip laku supermen hiber....lengeunaa nu meureup bulud..nojo kana hulu angen rukijad...rupana nolednad oge langsung ngaluarkeun elmu, nyaeta aji katil notog...nu kacida ngaruksakna mun keuna ka jelema..kusi waktu keur bujangan nolednad neunggeul jelema make aji ieu, balukarna parna pisan...nepi ka diubarana dibawa ka singapur..
Singgetna..rukijadd bener2 digdayaa...sakitu bah jalumpang jeung nolednad geus mupugkeun pangaweruh nepi ka bukur2na...manehma teu manggapulya..ditambah dirintug ku urang legok hangseur salelemburr...oge teu aya teurakna meruhkeun rukijadd...kabeh galempar ngagaloler kasorann di gitik ku rukijadd..sok padahal manehma ngan sorangann..
Sanggeus kabeh kasorann...kalayann bari babaratakan pinuh ku sombongan...rukijadd...kukubuk "surandilll kadieu siah wewelek...ku kula diwarahh siahh...rek lumpat kama maneh?..sing katungtung nagara kutang nangkub ge ku kula bakal kacerek siahh...montong wani2 nyieun perkara jeung kai rukijad jawara tanpa kasorr...hahahaha"..
Surandill keur ngayekyek jeung nyi karwiti di juru tepas...manehna soak kacida..aki jeung bapana nu jadi benteng pananggeuhann pamustungan geus walakaya ngaharrupan dugalna ki rukijadd...hiji2na harepan manehanana..taya deui bongbolobgan ti kalayaksa aban baham carawak jeung kalayaksa utun cungur purunyus...surandill ti tadi ge geus ngeukeuweuk bedog seukuet nu geus dirupus dukuh buruk puruluk gunung punjung...."emhh tinggal ieu harepan uing...mun teu campleng tiwas kabeh kulawarga uing" kitu gerentes surandill
Surandill ngeteyep ka pipir imah..bari neangan melengna ki rukijadd...sabot rukijadd keur lelenggakan seuri bari ngararasakeun amisna meunang gelut..gajleng surandil luncat sataker kebek, bari nyorowokkkk.... "ciattttttttttttttt".. "belentrang" belentrang"......hiukkkk gebroooo....gedebutttt.."...kasampak surandill geus nangrak bengkang na lemah..bedogna nu seukeut kalahka bingkeng...jeung sora rukijadd seuri babarakatakan kalah beuki tarik...tarangna nu ditampol ku surandill teu cecel saeutik-eutik acann..surandil ngagerentes: "koplok ngawadul sugan si kalayaksa carawak jeung kalayaksa purunyuss tehh?"...naha bet teu teurakk bedog nu geus dirupus dukuh buruk tehh?...aduh gusti tiwass...tiwass ari kieu mahh....surandill pupus harepann..
Rukijadd ngajengkat bari kerewek beuheung surandil dicekek ku saleungeun, leungeun nu kenca...surandill geus pupus harepan..ret ka aki jeung bapana, nolednad, ngagaloler bari humarurung nahan kanyeri, geus teu bisa diharepkeun..."duh gusti meureun geus titis tulis abdi paragat poe ieu dina leungeun rukijad..nyanggakeun sadaya-daya gustiiii..." gerentes surandil bari muringis jeung reumbay cimata..manehna geus pasrah mun kudu nepi pondok umurr..
Rukijadd mencrong seukut ka surandill, bari ngangkat leungeun katuhu ancang2 rek neunggeul surandill...rukijad ngunyem mapat jampe..langeuna jadi burahay jiga ruhayy seuneu...surandill muringis sieunn...terus peureum.. kaligane..."habek..habek..habekk....rukijadd burung telengess..rek dikumahakeunn anak aing...siaa tehh kejem2 teuing..."...aya sora awewe nyeuleuweung rawah-riwih bari buk-bek neunggeulann rukijadd ku halu sagelempengannn...rukijad teu jadi rek neunggeul surandill...manehna ngarandeg bari ngareret ka nyi iloh nu keur pakepuk neunggeulan manehna....manehna teu riuk2 diteunggeulan halu tehh...kalahka nyerengeh siga nu ngeunah dipencetan..
"Halik sia iloh.." bari ngagebess nyi iloh.. jengkang nyi iloh labuh, tapi haluna mah teu lelesot dicekel pageuh..pas nyi iloh labuh...ujug2 gerung rukijadd ngagerung.."aduhhh tobatt"...bari semu deku tur nyekel tarang....nyi iloh buru2 ngajengkatt deuii...hudang..ku aneh disusul deui ku ngajorowokna rukijad siga nu nyeri 'aduuuuhhhhh"......
Nyi iloh semu ngahuleng...na aya naon rukijad ujug2 ngagerung nyeri padahal teu keur ditenggeul...? Justru keur bukbek dteunggeulan ku manehna oge samemehna ku jalma salembur manehna teu kerel2....nolednad ge nu keur ngagoler kasor..rada curinghak ningal galagat rukijad kitu..jajauhaneun rukijad teurak digitik sok komo bari ngagerung nyeri mahh...nolednad hemeng tp bari bungah, boa2 rukijad kaguar apesna..
Nyi iloh nyebrut deui ngahapuk rukijadd ku halu..malah ayeuna di bantuan nyi karwiti nu nyerbu make siwur gagang kawung...rukijadd mulai pakupis..surandil dilesotkeun...manehna ngagebes nyi iloh jeung nyi karwiti..duanana tijongklok..nepi nyingsat sampungna...ana "aduhhh tobattt"....rukijadd ngagerung tarik pisann...siga nu nyerii...."lakadalahhh"..meni ampir bareng nolednad jeung nyi iloh ngagorowokk.."kapanggih euy"...ceuk nolednad...ditempas ku nyi iloh..."bener kang kanyahoan ayeunamah apesna si mangkeluk rukijadd.. tehh..
Rukijaddd semu reuwass rusiah apesna kabongkar...buru2 nyerenteng rek newak nyi ilohh...ngan orokaya...nyi iloh buru2 nyingsatkeun sampingnaa...boleklak pingpingna ngaburinyai katojo panon poe.."aduhhh tobatt"...rukijadd ngagerung siga nu nyeri bari ngagedebut....sabot keur tibeubeut..jebrod2 diteunggeulan halu jeung siwur ku nyi iloh jeung nyi karwiti...gerung2 rukijadd ngagerung...rukijad papuket gelut dikepuk ku nyi iloh jeung nyi karwiti..nyi karwiti jeung nyi ilohh pakupis neungeul bari jeung nyiklak2keun sampingg...unggall rukijadd hudang rek nyerangg..buru2 duanana nyingraykeun sinjangna bere nompokeun pingping jeung sabudeureunana ka rukijadd...goakk rukijadd ngagoak siga nu nyerii..sabot kitu jebrod2 diteunggeulan ku dua wanoja cengceman nolenad tea....kitu jeung kitu...rukijadd jadi bulan2an..
ngan orokayaa..sok sanajan geuss diteunggeulan bari diburisat2keun daerah bujal kahandap..si rukijadd tehh teu daek nyerahh...manehna masih gugurinjalan ngalawaannn...nyi iloh jeung nyi karwitii lila2 suda tanaga hah..heh..hohh..jeung gelut teh ieu mah asa ku ripuh pisan karasana...da mun direret ti kajauhann mahh...sigaa nu keur kariaan joged beuteung atawa tari perut...rek teu kitu kumahaa...halu jeung siwurr pakepukk bari bagilirrr jeung pakupis nyingsatkeunn samping terus ngageolkeun jeroonaaa....ampuunn ripuhhnaa kalah nyeri cangkengggg...."tobattt ripuhhh" gerentes nyi iloh jeung karwiti..
Ku cape natakuu..nyi ilohhh jeung nyi karwiti semu haruwas-harewos ngabadamikeun carana mungkaskeun gelut teu puguh jeung rukijadd...basa rukijadd ngagerung bari rek nguniang deui...ka tenjo ku nolednad nyi iloh jeung nyi karwiti trek ku dua leungeun..jiga tim poli nu rek asup ka lapangan...kadenge sora nyi karwiti ngajorowok ka nolednad: "kang ulah nenjo kadieu..peureum heula..si rukijadd rek diberesan ku abdi jeung nyi ilohh...nyanghareupna katukang..bisi akang teu tega.."...nolednad nurut bari hate pinuh kabungahh nenjo rukijadd geus meh ka soran...teu lila...corowokkkk soraa nu ngajeritt kanyenyeriaan meni tarikkkkk: "ampuuuunnnn thobatttt teu kuattttt"....sora rukijadd ngagerung rosa pisann....
Ret direret ku nolednad ku juru panon...kasampakk rukijaddd ngagolerrr teu empes2 kapehaann..bari sungutna semu ngabusaa..ret ka nyi ilohh jeung nyi karwitii...kasampak duana keur naronggengg bari teu make sinjangg..saheulay-heulay acan..nonggeng ngan satengah deupa tina beungeut rukijaddd.....nolednad ngagerentes: "emh..nyai-nyai aya kompakk..." rukijadd kasorr...eleh jajaten..manehna munggarann atawa utk yang pertama kali serah bongkokan elehhh..tarung..meleg2....saminggu ti harita urang pasir bulistir jeung legok hangseur pesta gede ngariakeun seuksess Nalukeun ki rukijadd jawaraa kejem nu digdaya sanagara..kabungah nambah2..sabab disela kariaan nyi iloh jeung nyi karwiti meunang suratifikat alias piagam penghargaan ti musium muri..alatan mecahkeun rekor nalukeun rukijaddd....horsehhh...horsehhhh...tamat..cag..
